expect the non-expected& enjoy the expected
توقع الغير متوقع تستمتع بالمتوقع 
هل قابلك قبل كده موقف إنك كنت في ظرف طارئ واتفاجئت إن معكش فلوس كفاية 
هل اضطريت في موقف إنك تستلف عشان حصل موقف مكنتش تتوقعه
.
كتير مننا قابل المواقف دي, والسبب في كده بيرجع إلى عدم وجود بند مهم في حياتنا من بنود
المصروف..مش بس مهم, ده مهم جدا..
.
بند “الطوارىء” 
البند ده الهدف منه حاجتين..
البند ده الهدف منه حاجتين...
الأولى إن يكون معاك فلوس لمواجهة أي مفاجاة غير سارة تحصل.. زي إن عربيتك تعطل.. أو إن بيتك يحتاج لاصلاحات عاجلة.. أو إن حد مسؤل منك محتاج يروح المستشفى..الخ..
والهدف الثاني للبند ده, أنه يديك إحساس الأمان, اللي يسمحلك إنك تقدر ترسم خطة مالية وتمشي فيها وأنت متطمن, لأنك مبقتش خايف من أي حدث غير متوقع يهدلك كل اللى بتبنيه ..
.
طيب إزاي أفعّل البند ده في حياتي؟!.
بسيطة اشتري ظرف ب 50 قرش, ومع أول دخل يجيلك الشهر ده اعمل كده..
لو دخلك أقل من 10,000 جنيه, ابدأ فورا بوضع 500 جنيه بالظرف ده,
ولو دخلك أكتر من 10,000 جنيه, حط 1,000 جنيه, فورا.
ده الحد الأدنى اللى لازم يكون موجود معاك في الظرف ده لأي سبب طارئ.
ولو استخدمت أي جزء من المبلغ ده في حدث فعلا يستحق, عوضه فورا,
عشان توصله للحد الادنى ده .
.
وخد بالك الظرف الطارئ مش أنك لقيت عرض ميتفوتش!! ولا إنك اتزنقت في موقف ومضطر
تتصرف!! دى مش فلوسك.. لازم تبقى فاهم كده.. دى فلوس الظروف القاهرة .
.
طيب يعني هو ده بند الطوارىء بس!! لا دى مجرد البداية.. ولما نتعود عليها هنتعلم بعد كده
مع 
جرينري مستويات أعلى من الأمان المالي..
جرينري مستويات أعلى من الأمان المالي...
.
تيجي نشوف الفرق بين أحمد اللى عامل بند الطوارىء, وباسم اللى مسمعش عنه قبل كده! !أحمد راح يجدد رخصة عربيته, وعامل حسابه زي آخر مرة أنه هيدفع 1000 جنيه, لقى عليها
مخالفات ومصاريف ترخيص 2500 جنيه. لكن عشان هو كان عامل حسابه لموقف زي ده, لقى
معاه فلوس في ظرف الطوارىء, وقدر يرخص عربيته, ويعدي الموقف المفاجىء ده من غير أي
مشاكل.
.
باسم راح نفس المشوار بتاع أحمد، لكن مكانش يعرف يعني إيه طوارىء, بالعكس كان لسه
متعشي الليلة اللي قبلها في مطعم مشهور ب 500 جنيه, رغم إن الرقم ده هو 10 % من دخله,
وكان مجمع الـ 1000 جنيه للترخيص بالعافية.. ولما اتفاجئ بالمبلغ الزيادة ده, اضطر يرجع
البيت, ويركن العربية, لإن الرخصة منتهية, ولو مشي بيها هيتاخد مخالفة, وطبعا كان لازم يروح
الشغل بمواصلات, يعني تعب وفلوس إضافية, وكان أدامه حلين إما إنه يستلف أو إنه يحوش..
وعشان هو مش متعود على الإدخار, اختار الطريق السهل واستلف.. والسلف جاب سلف… وأنت
أكيد متخيل باقي الحدوتة.
.
You may also like
Set your financial plan in 4 steps
10 February, 2021
10 Habits Rich people Don’t Do (Part 2)
2 February, 2021
10 Habits Rich people Don’t Do (Part 1)
27 January, 2021