3 main income sources

3 مصادر دخل في ايدك بالفعل

هل تعلم ان 3 مصادر دخل هو الحد الأدنى للأمان المالي؟!

طيب هل تعلم ان كل واحد مننا عنده على الاقل 3 مصادر دخل في ايده؟!

ازاي الكلام ده!!!

الموضوع بسيط بس احنا اللى مصعبين الدنيا على نفسنا عشان ماشيين بمبدأ هذا ما وجدنا عليه اباءنا, ولغينا الابتكار والتفكير خارج الصندوق.

مصادر الدخل كثيرة جدا ومتنوعة, ولكن المشكلة التي تواجه اغلبنا هي لا أعلم كيف استثمر, ولا أين استثمر, ولا المبلغ المطلوب للاستثمار,

ولا كيف احسب نسبة النجاح, ولا أستطيع تقدير معيار المخاطرة…الخ.

نبدأ بالسهل, اذا كنت تعمل وتتقاضى مرتب.. فهذا أول مصدر دخل.

اذا كان لديك عمل ثابت تتقاضى منه مرتب فانت بالفعل لديك أول مصدر للدخل. أما إذا كان عملك حر أو مؤقت, فهو مصدر دخل, ولكنه مهدد,

فلا يمكن الاعتماد عليه بشكل كامل, وهنا يظهر أهمية تنوع مصادر الدخل.

نصعبها شوية, انت عارف انك لو ادخرت فقط مبلغ قدره ٢٥٠ جنيه كل شهر, لمدة ٣٠ سنة, وسيبتهم مكانهم في البنك, انت كده معاك مليون جنيه,

وده هيكون مصدر للدخل ليك ساعتها, لما تطلع معاش, ودخلك يقل, تقدر ساعتها تصرف من عائدهم, او حتى تصرف منهم بحساب محكم.

طيب ايه رأيك في الاستثمار الشخصي, يعني تستثمر في نفسك, يعني تنمي مهاراتك وتطورها, انت عارف ان كل واحد فينا ربنا زرع جواه مجموعة من المواهب,

لو عرف يجمعها صح مع بعضها هيطلع شكل متكامل لا يشبه اي شخص اخر, يمكنه من تحقيق دورعظيم في الحياه, هو ده الدور اللي مخلوق عشانه,

عشان توصل بقى لكيانك ده وتعرف انت دورك ايه ومميز فعلا في ايه ، محتاج تصرف على تنمية نفسك 

وساعتها لما توصل هتبقى أعظم واحد في الدنيا في النقطة دى تحديدا,وهتكتشف ان أفضل استثمار عملته في حياتك,

واكبر مصدر دخل ليك هو “استثمارك في نفسك”, والعائد اللي جاي منه هيكون بالنسبالك خيالي.

هناك مصادر أخرى كثيرة ومتنوعة للدخل, وبالتعلم والتخطيط والتدريب على يد متخصصين, هيتنقل وعيك تدريجيا لحد ماتعرف ازاي تشوف الفرصة المالية,

وتقدر تخليها مصدر دخل ليك, وهتستغرب ساعتها ازاي مكنتش شايفها أدامك قبل كده.